Мәшәкатең, эшең булса,

Көтеп алыр кешең булса,

Йөрәгеңдә  булса сөю,

Якыннарың өчен көю - үзе бәхет!

Кайтып керер өең булса,

Җыр сузардай көең булса,

Башың исән, аек акыл,

Өстәлеңдә сыең булса - үзе бәхет!

Сынауларга сыгылмасаң,

Сырхаулардан егылмасаң,

Йолдыз күрер күзең булса,

Җан җылытыр сүзең булса - үзе бәхет!

Үткәннәрне искә алып,

Ялгышларны җайга салып,

Ак нияттән эшең корсаң,

Тормыш бизәр көчең булса - ул зур бәхет!